關於部落格
  • 38083

    累積人氣

  • 1

    今日人氣

    16

    追蹤人氣

《コードギアス 反逆のルルーシュ》完食


我唔明點解d 人咁憎朱雀~見到第一部尾R2前中部份d人勁鬧朱雀…orz

話佢重色輕友賣友求榮之類,但係果個時點,係朱雀角度,當佢得知zero 用geass 控制euphy 殺日本人令黑騎士團上位,佢仲可以當冇事?唔通因為「青梅竹馬」就乜都可以忍?

(雖然魯魯係唔小心,但V.V. 都唔會同朱雀講魯魯唔小心la~)

我覺得就算euphy 唔係朱雀情人,結局都係會令朱雀(果陣時)痛恨魯魯啦!
係知道geass既人眼中,zero既行為簡直係卑鄙到爆炸…

我諗朱雀果陣真係視euphy為理想 + 救贖的希望…

Zero係攞左和平既理想(雖然我又覺得特區係好幼稚既想法)、euphy 既命同名聲、同埋在場幾千幾百日本人既性命做踏腳石既人喎。

如果朱雀咁都忍到我先覺得奇怪,反而我奇怪點解見國王時lulu會問朱雀「你要賣友求榮?」,佢唔係預左朱雀會憎佢唔當佢朋友咩?@@

總之後來兩個人都復合左啦,唔理咁多喇。
但有d 睇唔過d 人勁鬧朱雀…orz


而且(?),睇住魯魯搏朱雀S佢,朱雀邊S魯魯邊M自己,我好爽!!!
我要睇朱雀撐大魯魯隻眼迫魯魯睇鏡中自己被朱雀上的樣子~~~~(心)

朱雀踏魯魯頭時我冇嬲朱雀,反而係魯魯怪朱雀背叛佢時我有嬲過魯魯!
朱雀冇用refrain去迫八婆卡連供時我有比GOOD JOB朱雀!


依家個結局我幾ok,
見網上唔少人想魯魯冇死。
但魯魯冇死我會覺得好囧。

妹控既魯魯死前都聽到NNL講愛佢,
又要死係愛人手上…
算幾幸福!

朱雀以前一直想死贖罪,依家魯魯死左;
魯魯為NNL做zero,依家由朱雀承繼zero守護住NNL。

算係咁啦!

其實我覺得最慘係朱雀,因為佢死唔去。

Euphy最慘唔係死,係被迫做一件好違佢自己意願既事,仲要搞到身敗名裂。
臨死前好記掛果堆咒罵自己既人…
不過佢死果刻都唔知道呢件事,所以算係去得心安理得。

Shirley都叫幸福地死去。Roro都係~

但朱雀要承受住咁多野做一個無名人一世。
做左zero-2後,責任上佢唔可以「想死」,就算佢任性「想死」佢都受住魯魯當時既「活下去」geass。

唉,雖然話佢都要為自己所為贖罪…
但希望布丁伯爵同技術人員會知情,記得朱雀呢個人。
其實知情既應該仲有卡連同NNL?不過佢地太腦殘我唔可以期望太多~XD


題外話,未睇《code geass》時我介定左roro為正太,所以以為自己一定唔會like佢,但出到黎又幾萌喎!病嬌加分!!




好了,以下…
吐糟時間來了!
 
  1. 魯魯d taste真係好差,d pose好爆笑好KAI!!
    zero件衫係咪自己縫架XD
    頭盔係咪自己整架?

     
  2. d 人民都極腦殘,蛋卷頭獨裁時又唔識講自由人權喎~
    又唔見佢地反蛋卷頭?
    初初果幾集阿皇姐咪又係亂殺人?
    蛋卷頭做左咁耐都冇人反喎。
    仲要成班人民去歧視numbers~鬼咁得戚!

    係魯魯做皇帝果陣先咁多意見!!!

    well,我唔細心睇,魯魯獨裁時我睇唔出佢有幾殘暴~(至少比起蛋卷頭同NNL果邊)
    反而係NNL殺左好多人就真。
    話獨裁,之前蛋卷頭唔係咩?
    D皇子皇女話要滅一區就滅一區。
    d 不顛列人之前唔係好得戚咩?
    無啦啦去到後面扮晒委屈扮要人權咁…

     
  3. 果班黑騎士團腦殘到爆!到後期真係好鬼憎果班人!
    只係一班人云亦云既腦殘團體!

     
  4. 本來成套野最憎四眼妹,但後來比雜碎扇搶左個位~
    雜碎扇點解咁都死唔去?仲做左總理定首相?何德何能呀?

    反而夏利起初好煩,後來比其他人分薄晒煩人角色呢個位,所以唔憎佢~

    卡連初初出場我幾like佢,但佢越來越煩膠,直迫四眼妹!
    不過最後佢認得出zero 2係朱雀比返少少分佢啦!

     
  5. NNL去到後面又係榮升煩膠女王,二皇子講幾句佢又信,佢知唔知佢按幾個button殺左幾千萬人呢?
    不過最後佢都慘慘地,比返少少分佢…

     
  6. 第一輯時我好萌C.C.,但去到R2我差d唔記得有呢個人…orz

     
  7. 星刻吐左咁多集血到底死得未?
    佢件衫好肉酸,我以為係美少女戰士男裝版。
    Kai程度心手月一同魯魯zero look有得比!

     
  8. 另外,到底蛋卷頭同魯魯媽想做乜?我睇唔明…(汗)

     
  9. 暫時想到的最後,
    魯魯修!隱形眼鏡唔係咁戴架!!!!

     
  10. 唔記得吐糟…
    點解皇姐個騎士同NNL 被女神轟到都冇事?
     
相簿設定
標籤設定
相簿狀態